ТОО «EGRO» ЖАРИЯ ОФЕРТА ШАРТЫ

1.1. Жария оферта мәтінімен мұқият танысып шығыңыз және, егер Сіз офертаның қандай да бір тармағымен келіспесеңіз, Сізге Тауарларды сатып алудан немесе Сатушы ұсынатын Қызметтерді пайдаланудан бас тарту ұсынылады.
1.2. Қазақстан Республикасы Азаматтық Кодексінің (бұдан әрі — ҚР АК) 395-бабына сәйкес бұл құжат жария оферта болып табылады және төменде баяндалған шарттарды қабылдаған жағдайда осы оферта акцептін жүргізетін жеке тұлға осы Шарттың талаптарына сәйкес Сатушының Тауарына ақы төлеуді жүзеге асырады. ҚР АК 396-бабының 3-тармағына сәйкес Тұтынушының Тауарға ақы төлеуі оферта акцепті болып табылады, бұл офертада жазылған шарттарда Шарт жасасуға тең деп есептеледі. Осы келісімде банктер мен микроқаржы ұйымдары деп Қазақстан Республикасының екінші деңгейдегі банктері мен микроқаржы ұйымдары түсініледі.
1.3. Осы офертада, егер мәнмәтін басқаны талап етпесе, төменде келтірілген терминдердің мағыналары келесідей:

• «Оферта» — Сатушының кез-келген жеке/заңды тұлғаға жолдаған, Шарттың барлық қосымшаларын қоса алғанда, онда қамтылған қолданыстағы талаптарда Сатушымен сатып алу-сату шартын (бұдан әрі — «Шарт») жасасуға жария ұсынысы.
• «Сатушы» — https://www.egro.kz/ интернет-сайтында ұсынылған Тауарды сататын компания
• «Тұтынушы» — Сатушымен Шартта қамтылған талаптармен Шарт жасасқан жеке немесе заңды тұлға.
• «Акцепт» — Тұтынушының Шарт талаптарын толық және сөзсіз қабылдауы.
• «Тауар» — https://www.egro.kz/ интернет-сайтында ұсынылған ассортимент атауларының тізбесі
• «Тапсырыс» — https://www.egro.kz/ интернет-сайтында өтінімді орналастыру кезінде Тұтынушы көрсеткен Тауардың ассортименттік тізбесіндегі жекелеген позициялар
• «Сайт» — Сатушының https://www.egro.kz/ бойынша Интернет желісінде қолжетімді электрондық құжаттарының (файлдарының) жиынтығы

2. Шарттың мәні

2.1. Сатушы Тауарды Сатушының интернет-сайтында жарияланған қолданыстағы прейскурантқа сәйкес сатады, ал Тұтынушы осы Шарттың талаптарына сәйкес Тауарға ақы төлейді және қабылдайды.
2.2. Осы Шарт және оған барлық қосымшалар Сатушының ресми құжаттары және Офертаның ажырамас бөлігі болып табылады.

3. Тауардың бағасы және төлем жасау

3.1. Тауардың құны Интернет-дүкеннің сайтында көрсетіледі.
3.2. Тапсырысты босатпас бұрын Сатушы Тауардың құнының, атауының және т.б. сәйкестігін тексереді.
3.3. Сатушы Тұтынушы тапсырыс берген және/немесе төлеген Тауардың дұрыс емес не қате құнын анықтаған жағдайда, Сатушы:
1. Шотты немесе бағасы жазылған тапсырысты жаңарту жолымен сайттағы тауардың құнын біржақты тәртіппен өзгертуге құқылы, бұл ретте Сатушы Тұтынушыға «Тұтынушылардың құқықтарын қорғау туралы» ҚР Заңының 8-1-бабы 2-тармағының 7-тармақшасында көрсетілген талаптар туралы ескертеді (Тапсырысқа өзгеріс енгізе отырып).
2. Сатушы Офертаның 3.3.1-тармағында көрсетілген тауар құнын төлемге ұсынған жағдайда, Тұтынушы Сатушымен Шартты бұзуға (төлем жасаудан бас тарту арқылы) құқылы. Егер Тұтынушы тапсырысты орналастырған сәттен бастап 24 сағат ішінде соманы төлемеген болса, Тұтынушы Шартты бұзған болып саналады.
3. Тапсырыс құны толық төленбеген жағдайда Шарт бұзылды деп есептеледі, бұл жағдайда Сатушы ақшаны Тұтынушыға қайтаруға міндетті (егер ол алынған болса).
4. Егер Тұтынушы Сатушымен байланысқа шықпаса, Тапсырыс жойылады.
3.4. Тауар үшін Сатушы мен Тұтынушы арасындағы есеп айырысулар Интернет-дүкеннің https://www.egro.kz/ сайтында көрсетілген тәсілдермен жүргізіледі.
3.5. Сатып алушының интернет-сайтта өз бетінше орналастырған Тапсырысына ақы төлеуі оның осы Шарттың талаптарымен келіскенін білдіреді. Тапсырыс үшін төлем жасау күні Сатушы мен Сатып алушы арасында Оферта шартын жасасу күні болып саналады.

4. Тапсырысты рәсімдеу және Тапсырысты орындау мерзімі

4.1. Тауарға тапсырыс беруді Сатып алушы https://www.egro.kz/ интернет-сайты арқылы немесе интернет-дүкен операторы арқылы жүзеге асырады.
4.2. Тапсырысты Сатушының интернет-сайтында тіркеу (орналастыру) кезінде Тұтынушы өзі туралы тіркеу ақпаратын ұсынуға міндетті.
1. Тұтынушының аты-жөні;
2. Тауарды жеткізу керек мекенжайы (егер Тұтынушының мекенжайына дейін жеткізу қажет болса);
3. Электрондық пошта мекенжайы;
4. Байланыс телефоны
4.3. Тұтынушы таңдаған Тауардың атауы, саны, ассортименті, бағасы Интернет-дүкеннің https://www.egro.kz/ сайтындағы Тұтынушының қоржынында көрсетіледі.
4.4. Егер Сатушыға қосымша ақпарат қажет болса, ол оны Тұтынушыдан сұрауға құқылы. Тұтынушы қажетті ақпаратты ұсынбаған жағдайда, Сатушы Тұтынушы таңдаған Тауар үшін жауапты болмайды.
4.5. Тапсырысты Оператор арқылы рәсімдеу кезінде (осы Офертаның 4.1-тармағы) Тұтынушы осы Офертаның 4.2-тармағында көрсетілген ақпаратты беруге міндеттенеді.
4.6. Тапсырысты Оператор арқылы рәсімдегеннен кейін Тұтынушы туралы деректер Сатушының деректер базасында тіркеледі. Таңдалған Тауарға Тапсырысты бекіте отырып, Тұтынушы Операторға осы Офертаның 4.2-тармағында көрсетілген тәртіпке сәйкес қажетті ақпаратты ұсынады. Тұтынушының өтінімін өңдегеннен кейін Сатушы тауардың бар-жоғын тексеріп, міндетті түрде Оператордың қоңырау шалуы арқылы өтінімді бекітуді жүзеге асырады.
4.7. Сатушы Тапсырысты рәсімдеу кезінде Тұтынушы ұсынған ақпараттың мазмұны мен дұрыстығына жауап бермейді.
4.8. Тұтынушы Тапсырысты рәсімдеу кезінде берілген ақпараттың дұрыстығына жауап береді.
4.9. Егер Сатушы көрсеткен қасиеттерді қоспағанда, Тұтынушының Тауардың тұтынушылық қасиеттері туралы үміттері ақталмаса, оған Сатушы жауап бермейді.
4.10. https://www.egro.kz/ сайтында ұсынылған барлық ақпараттық материалдар анықтамалық сипатқа ие және Тауардың бағасы, түсі, пішіні, өлшемі және қаптамасы сияқты белгілі бір қасиеттері мен сипаттамалары туралы сенімді ақпаратты толық жеткізе алмайды. Сатып алушыда Тауардың қасиеттері мен сипаттамаларына қатысты сұрақтар туындаған жағдайда, Тапсырысты орналастырмас бұрын ол кеңес алуға жүгінуі немесе электрондық пошта мекенжайына сұрау жіберуі қажет.
4.11. Сатушы Тапсырысты орындауға міндеттенетін мерзім бір жұмыс күнінен басталады. Тапсырысты орындау мерзімі Сатушының қоймасында Тапсырыс берілген Тауар позицияларының болуына және Тапсырысты өңдеуге қажетті уақытқа байланысты. Ерекше жағдайларда Тапсырысты орындау мерзімі тапсырыс берілген Тауардың сипаттамалары мен санына байланысты Сатып алушымен жеке келісілуі мүмкін. Сатушының қоймасында бір немесе бірнеше тауар болмаған жағдайда, оның ішінде бұл Сатушыға тәуелді емес себептермен орын алса, Сатушы Сатып алушының Тапсырысынан көрсетілген Тауарды жоюға құқылы. Сатушы Сатып алушыға оның Тапсырысының толықтығының өзгергені туралы интернет-сайтта тіркелу кезінде көрсетілген электрондық мекенжайға хабарлама жіберу арқылы немесе Сатып алушы Тапсырысты тікелей алған кезде тауар чегінде қосымша жазбаша түсініктеме беру арқылы хабарлауға міндеттенеді.
4.12. Тапсырыс Сатып алушыға берілген сәтте орындалды деп есептеледі. Сатушының курьерлік қызметінің курьері ұсынған тауарлық жүкқұжатына қол қоя отырып немесе курьерге верификациялық смс-кодты хабарлай отырып, Сатып алушы Тапсырыстың орындалғанын растайды.

5. Тауарды жеткізу және тұтынушыға табыстау

5.1. Сатушы Тұтынушыға Тауарды Интернет-дүкеннің https://www.egro.kz/ сайтында көрсетілген "Жеткізу" тәсілдерінің бірімен немесе Сатып алушының келісімі бойынша Сатушы үшін ыңғайлы тәсілмен жеткізу қызметін көрсетеді.
5.2. Тауарды жеткізу орнын Тұтынушы Тауарды жеткізіп берумен сатып алуға Тапсырысты ресімдеу кезінде көрсетеді.
5.3. Тауар тапсырысты ресімдеу орны бойынша қалада болмаған жағдайда, Сатып алушы 100% алдын ала төлем шартымен қалааралық тасымалдауды ресімдеу мүмкіндігіне ие.
5.4 Жеткізілген тауар Тұтынушыға, ал Тұтынушы болмаған жағдайда квитанцияны немесе Шарт жасасуды немесе Тауардың жеткізілуін ресімдеуді растайтын өзге де құжатты ұсынған кез-келген тұлғаға беріледі.
5.5. Тауар туралы ақпарат Тауарға қоса берілетін техникалық құжаттамада, заттаңбаларда, таңбалау салу арқылы немесе тауарлардың жекелеген түрлері үшін қабылданған өзге де тәсілмен Тұтынушының назарына жеткізіледі.
5.6. Тапсырысты орналастыру кезінде Тұтынушы Тауарды алушы ретінде жеткізетін мекенжайды көрсете отырып, басқа тұлғаның атын Тұтынушыдан Сатушыға тапсырыс ретінде көрсетуге құқылы, бұл жағдайда, Тауарды үшінші тұлғаға жеткізу және беру мүмкін болмайтын жағдайларды қоспағанда, Сатушы мұндай тапсырысты орындайды және Тауар алушы ретінде басқа адамға Тауарды жеткізеді.

6. Тапсырысты қайтару

6.1. Тауардың сапасына қатысты кінәрат-талаптар туындаған жағдайда Сатып алушы оларды «Тұтынушылардың құқықтарын қорғау туралы» ҚР Заңына сәйкес Тауардың кепілдікті мерзімі ішінде ұсынуға құқылы.
6.2. Сатып алушы өзіне азық-түлікке жатпайтын тауар берілген кезден бастап он төрт күн ішінде сатып алынған тауарды сатып алу орнында немесе сатушы (дайындаушы) хабарлаған өзге де орындарда бағасында айырма болған жағдайда сатушымен қажетті қайта есеп айырыса отырып, басқа мөлшердегі, нысандағы, габариттегі, пішіндегі, түстегі, жиынтықталымдағы және осы тәріздегі соған ұқсас тауарға не тараптардың келісімі бойынша басқа тауарға айырбастауға құқылы. Сатушыда айырбастауға қажетті тауар болмаған жағдайда Сатып алушы сатып алынған тауарды Сатушыға қайтарып беруге және оған төленген ақшалай соманы қайтарып алуға құқылы, бұл жағдайда Сатып алушы Сатушыға Тауарды жеткізгені үшін үстеме шығындарды өтейді.

Назар аударыңыз!!!

02.04.2019 жылғы «Тұтынушылардың құқықтарын қорғау туралы» ҚР Заңының 30-бабына сәйкес, егер тиісті сападағы азық-түліктік емес тауар пайдаланылмаса, оның тауарлық түрі, тұтынушылық қасиеттері, пломбалары, заттаңбалары, сондай-ақ тауарды сатып алу фактісін растайтын құжат сақталса, егер шартта неғұрлым ұзақ мерзім белгіленбесе, тауар сатып алынған күннен бастап күнтізбелік он төрт күн ішінде сатушы (дайындаушы) оны айырбастауды немесе қайтаруды қамтамасыз етуге міндетті, мыналарды қоспағанда:

• дәрілік заттар мен медициналық бұйымдарды;
• іш киімді;
• шұлық-ұйық бұйымдарын;
• жануарлар мен өсімдіктерді;
• метрлеп сатылатын тауарларды, атап айтқанда, барлық түрдегі талшықтардан жасалған маталарды, тоқыма және перделік кенеп матаны, жасанды теріні, кілем бұйымдарын, тоқыма емес материалдарды, ленталарды, шілтерді, таспаны, сымдарды, бауларды, кәбілдерді, линолеумды, багетті, пленканы, клеенканы;
• ұялы байланыстың абоненттік құрылғысын.

6.3. Сатып алушы тиісті сападағы Тауарды айырбастаған немесе қайтарған кезде Сатушы Сатып алушыдан Тауарды айырбастауды немесе қайтаруды ұйымдастырған кезде Сатушы шеккен шығындарды өтеуді талап етуге құқылы.
6.4. Сатушы тиісті сапасыз Тауарды жеткізген жағдайда, Сатып алушы Тауардың сапасын тексеруді жүзеге асыру үшін Тауарды сатып алған кезден бастап барынша қысқа мерзімде Сатушының интернет-сайтында көзделген тәртіппен және шарттарда Сатушыға тапсыруға міндеттенеді.
6.5. Тапсырысқа меншік құқығы, сондай-ақ оның зақымдану қаупі Тауарды Сатып алушыға берген сәттен бастап Сатып алушыға ауысады.
6.6. Сұрақтар мен шағымдар туындаған жағдайда, Сатып алушы +7 (727) 317 20 70 телефон нөмірі бойынша call center орталығына жүгіне алады.
6.7. Тауарды өндірушінің кепілдікті міндеттемелері қолданылатын жағдайларда пайдалану барысында Тауардың жұмыс қабілеттілігінің жоғалуына қатысты шағымдар уәкілетті сервистік орталықтардың қорытындылары негізінде қаралады. Уәкілетті сервистік орталықтардың мекенжайлары мен телефон нөмірлері Тауарға кепілдік талонында көрсетілген. Сатып алушы Сатушыға нәтижесінде сатып алынған Тауарды мақсаты бойынша пайдалану мүмкін болмайтын өндірістік ақауларға қатысты Тауардың сапасы бойынша шағымын түсіре алатын кепілдік мерзімі де Тауарға Кепілдік талонында айқындалады. Тауарға кепілдік талонының түпнұсқасын жоғалту Сатушының Сатып алушы алдындағы кепілдік міндеттемелерін ұсынбауына негіз болып табылады.
6.8. Егер Тауардың ақаулығы туралы хабарламаны Сатушы кепілдік мерзімі өткенге дейін алған; Тауар ілеспе зауыттық құжаттамада көрсетілген пайдалану ережелерін бұзбай пайдаланылған; Тауардың сериялық нөмірі мен шығарылған күнінің өзгермейтін түпнқсқалық жазбалары, сондай-ақ зауыттық қаптамасы болған; Сатып алушы Тауарға өз күшімен немесе үшінші тұлғалардың күшімен жөндеу жүргізбеген жағдайларда Тауар кепілдікті қызмет көрсетілуге жатады. Тауардың сапасы бойынша кінәрат-талап болған жағдайда оны жөндеу, Тауар жөндеуге жарамсыз деп танылған жағдайда Тауарды ауыстыру, ауыстыру мүмкін болмаған жағдайда осындай Тауар үшін төленген соманы қайтару жүргізіледі.
6.9. Тауарды қайтару/айырбастау алдында міндетті түрде өндіруші брендінің уәкілетті сервистік орталықтарында сараптама жүргізіледі. Тауардың сапасын қосымша тексеру (сараптау) құнын сатушы (дайындаушы) төлейді. Егер тауарды тексеру (оның сараптамасы) нәтижесінде тауардың кемшіліктері жоқ екендігі немесе кемшіліктер тұтынушының тауарды пайдаланудың, сақтаудың белгіленген қағидаларын бұзуы немесе үшінші тұлғалардың іс-әрекеттерінен не еңсерілмейтін күштің салдарынан тауар тұтынушыға берілгеннен кейін пайда болғаны белгіленсе, тұтынушы сатушыға (дайындаушыға) тексеру (сараптама) жүргізуге жұмсалған шығындарды, сондай-ақ оны жүргізуге байланысты тауарды тасымалдауға жұмсалған шығындарды өтеуге міндетті.
6.10. Сатушы Тауардың қаптамасы болмаған кезде немесе оның тауарлық түрі жоғалған кезде, Тауардың сыртқы зақымдануы анықталған кезде, Тауардағы, қаптамадағы немесе кепілдік талонындағы нөмірлердің сәйкес келмеуі кезінде тиісті сапасыз қайтарылған Тауар бойынша шағымды қанағаттандырудан бас тартуға құқылы.
6.11. Тараптар Шарт бойынша міндеттемелерді орындау кезінде туындауы мүмкін даулар мен келіспеушіліктерді келіссөздер арқылы шешу үшін барлық шараларды қабылдайды.
6.12. Егер Тараптар келісімге келмеген жағдайда, барлық даулар ҚР қолданыстағы заңнамасына сәйкес қаралуға жатады.

7. Жалпы ережелер

7.1. Осымен Сатып алушы осы Жария оферта шартының міндетті талаптарымен келіседі.
7.2. Осы Жария оферта шартының талаптарына сәйкес Сатушы осы Шарттың талаптарымен келіспейтінін білдіретін тұлғаларға Тапсырысты орналастырудан бас тартуға құқылы.
7.3. Сатушы осы Келісімге өзгерістер енгізу құқығын өзіне қалдырады, осыған байланысты Сатып алушы https://www.egro.kz/ сайтында жарияланған Келісімдегі өзгерістерді үнемі қадағалап отыруға міндеттенеді.

Ынтымақтастық, ассортимент, мекемеңізді жабдықтау және жабдықты жеткізу құнын есептеу мәселелері бойынша төмендегі телефондар немесе электрондық пошта арқылы менеджерлерімізге хабарласа аласыз:

📞 +7 (727) 317-20-70
📞 +7 (700) 317-20-70
✉ E-mail: info@egro.kz